APA ERTI KEMERDEKAAN

Apa erti kemerdekaan
Bagi umat Melayu kito
Tak SEY terimo perubahe
Anok cucu berputih mato
Ore lain rebut peluang
Sanggupkoh tengok sajo
Maso tetap berjale
sesaat tok tunggu kito
Dilema..Dilema...Dilema Melayu kita.

Bangsa lain hidup bersatu
Kito baloh samo sekampung
Bangsa lain KOHO maju
Bangsa kito masih mundur
Ore kecek cayo selalu
Hangguk kepala mace Jepun
Ikut stail dulu-dulu
Jadi katok bawoh tempurung
Dilema...Dilema...Dilema Melayu kita.

Rumah ore rumah batu
Rumah kito rumah atap
Rumah ore pagar batu
Rumah kito pagar kawat
Rumah ore karpet baldu
Rumah kito tikar karat
Masa Bekwoh nyambut menantu
Patoh gelegar cabut tukat
Dilema...Dilema...Dilema Melayu kita

Kereto orE kereto Mercedes
kereto kito Morris Minor
Kereto ore asap NIPIS
Kereto kito asap berbunga
Kereto ore hidup dengan suis
Kereto kito MAPUH tolak sokmo
Beli baru TAK De pitih
Beli BERAS pun hute sokmo
Dilema...Dilema...Dilema Melayu kita

Anok ore naik kapal terbang
Anok kito naik teksi
Anok ore makan hotel
Anok kito kedai kopi
Anok ore jadi toKEy
Anok kito jadi kuli
Habih pitih tengah bule
Bare bini gadai lagi
Dilema...Dilema...Dilema Melayu kito

Anok ore jadi peniaga
Anok kito jadi petani
Anok ore baju cap boyo
Anok kito baju guni
Anok ore bahagio
Anok kito KO DOK PENING
Jadi mangso dadoh ganja
Jadi mangso budayo kuning
Dilema...Dilema...Dilema Melayu kito

Anok ore baco buku
Anok kito duduk DEraK
Anok ore masuk U
Anok kito masuk lokap
Anok ore minum susu
Anok kito togok ubat
Macemano kita nak maju
Kalau tak sey berubah sikap
Dilema...Dilema...Dilema Melayu kita

Anok ore dok masjid
Anok kito tepi jalan
Anok ore duduk NGatib
Anok kito duduk gewey
Anok ore perangai baik
Anok kito serupa setan
Dok cari balo nyakit
Tok sEY fikir maso depe
Dilema...Dilema...Dilema Melayu kita.

Apa erti kemerdekaan
Bagi umat Melayu kita
Tak SEY terimo perubahan
Anak cucu putih mata
Orang lain rebut peluang
Sanggupkah tengok saja
Maso tetap berjale
sesaat tak tunggu kito
Dilema..Dilema...Dilema Melayu kita.